|
|
||
|
|
Jeiki Jeiki Maria Angela 1969-an Primaberako goiz iruzki garbi batez zortzi ordutan, usaian bezala joan nintzen Maria-Angela jeiki araztera. Hau nekez altxatzen baita goizetan ene galdeari ez zuen ihardesten. Orduan leihoa zabaldu eta iruzkiak unkitzen zuela bere ohea hasi nituen bertsu hauk eta urran egunean finitu. Luzegidelakotz suiet guzia emateko bertsutan, hemen dagona nagurtuada 15-etan. Airea: Jeiki jeiki etxekoak (argia da zabala) bis 1/ Jeiki jeiki Mari’Angel’ (argia zabala da) bis Zerutikan iruzkia garbi eder heldu da, Ottok zure askaria orai prestatua da, Etor laster jatera. 2/ Askaria zuk jan eta (arropa sanjatzia) bis Bezti garbia jantzi eta biloa moldatzia, Gero laster harturen du eskolarat bidea, Zur’obligazionia. 3/ Bide hori eginen du (zuk eta nik batean) bis Eramanen zaitut harat nere auto ttipian, Bai ta ere ekarriko gero gisa berean, Eskola finitzean. 4/ Zure ottok nahi du zu (ontsa edukatzia) bis Jostaketak negurrian et’aunitz ikastia, Handitu ta errepetuz igaiteko bizia, Laite pare gabia. 5/ Otto hunen kontzeiluak (hartu ontsa burian) bis Gau-egunak pasatzen tut orai zure guardian, Nahiz ontsa zu gidatu jendetasun moldian, Zerurako bidian. 6/ Mundu huntan irriskuak (guzientzat ba dire) bis Lanjerretik begiratuz konserbatu bertute, Emazteki baliosak hortan eqagun dire, Hartu beti kuraie. 7/ Aita-Amak galdu tutzu (zuk haurra zinelarik) bis Hein egintzak guk egiten zuk behar tutzularik, Otto-ttantta akupatzen dire zutaz bakarrik, Ez bai tutzu hoberik. 8/ Zu zaitugu mundu huntan (hazteko haur bakarra) bis Zurekilan enpleatzen pazintzia ta indarra, Jabeik gabe gelditzian, kusiz zure beharra, Ordutik gure haurra. 9/ Zortzi urte orai tutzu (zorturikan mundura) bis Bi-ta-erdi ba zintuen jin orduko gutara, Ezin ahantz dezakegu orduko zur’itxura, Biotz hausgarri hura. 10/ Ikusirik beizik nehork (ez dezake sinetsi) bis Zer tormentak egun batzuz zuk dituzen ikusi Doctor, Nursa, oro arrotz, nehor konsolagarri, Ait’Amak han galdurik. 11/ Dozena bat equn egin (Fresnon Ospitalian) bis Zure-tzat zer sofritziak ahal ziren ordian, Oraino’re senditzen dut zauri bat biotzian. Han zutaz oroitzian. 12/ Egun txarrak pasaturik (onerat ba zoatzi) bis Zuen auziak hasirikan ja sei urte ba ditzi, Parte bat da konpondua, bertzian orai hasi, Ez da segur goizegi. 13/ Huzi horrek eman deraut (sobera pentsaketa) bis Gau-egunak arranguran nihun ezin deskantsa, Adina’re biskarrera jautsi zeraut dobleska, Hau da ene presenta. 14/ Justiziak ezarri nau (zur’aferen gidari) bis Kontuak nik zuzen eman behar ditut jujari, Ogoi-ta-bat urte arte ez zire zeure nausi, Ordura banintz bizi? 15/ Emeretzi ehun eta (hiruogoi bederatzi) bis Bertsu hauk nik eman ditut illobaren haurrari, Oroitzapen altxa ditzan guk hauxe hazi sari, Esker Jainko Jaunari. (dobla) Bertsu hauk nik eman ditut illoba ttipiari, Oroizapen altxa dizan guk hauxe hazi sari. ESKER OTTO-TTANTTARI. — Juan C. Arrosagaray, Pomona, California |
|
|
|
|
